პროექტები

            

ლგბტქი თემის მედეგობის მშენებლობა საქართველოში

პროექტი მიემართება ორგანიზაციის ორ ოპერაციულ ფოკუსს. ერთი მხრივ, პროექტი (LVGA) მხარს უჭერს ლგბტქი თემის გაძლიერებასა და მედეგობის მშენებლობას ფსიქო-სოციალური სერვისების რაოდენობისა და მრავალფეროვნების გაზრდით. ხოლო, მეორე მხივ, ის ხელს უწყობს ორგანიზაციის შესაძლებლობების განვითარებას სტრატეგიული დაგეგმვისა და ადამიანური რესურსების მენეჯმენტის მიმართულებით.

UNDP

პერიოდი:

 02/11/2023-02/11/2024

გრანტი: 292,924.19 ლარი.

მიმდინარე

 

მაღალი რისკის ქცევისა და ინფექციების პრევალენტობის გამარტივებული (მცირე) კვლევა (BBS Lite) მსმ პოპულაციაში საქართველოში

მცირე/მსუბუქი BBS-Lite (ბიო-ქცევითი კვლევა-ლაითი) არის WHO- ს და UNAIDS- ის მიერ

შემუშავებული კვლევის ახალი მეთოდოლოგია, რომლის მიზანია ძირითად

საკვანძო პოპულაციების (აივ), ვირუსული ჰეპატიტისა და სქესობრივი გზით

გადამდები ინფექციების პრევალენტობისა და სარისკო ქცევების შეფასება აივ პრევენციის

პროგრამების დაგეგმვისა და მათი შედეგების მონიტორინგის მიზნით.

კვლევა განხორციელდება სათემო ორგანიზაციების „თანასწორობის მოძრაობისა“ და „იდენტობის“ ბაზაზე თბილისში, ბათუმსა და ქუთაისში.

  

  

UNAIDS

პერიოდი:

01.01.2023-31.10.2023

გრანტი: 34 871 აშშ დოლარი

დასრულებული

 

ლგბტ ადამიანების უფლებების გაუმჯობესება საქართველოში

პროექტის მიზანია საქართველოში სექსუალური და რეპროდუქციული უფლებების გაუმჯობესება. ამ მიზნის მისაღწევად “თანასწორობის მოძრაობა” მუშაობს საქართველოში ლგბტქი პირების უფლებრივი მდგომარეობის გაუმჯობესებასა და მათ ადვოკატირებაზე. ჩვენი მიზანია, ანტი-დისკრიმინაციული კანონის და სიძულვილით მოტივირებული დანაშაულის პრაქტიკაში რეალიზაციის მიმართულებით ლგბტქი პირების სამართლებრივი მხარდაჭერა სტრატეგიული საქმეების სასამართლო სისტემაში სამართალწარმოების გზით. ასევე, სიძულვილით მოტივირებული დანაშაულების ფარგლებში, უზრუნველვყოფთ სამართლებრივ დახმარებას თემის წევრებისთვის და საქმეების დოკუმენტირებას შემდგომი საადვოკატო საქმიანობისთვის. პროექტი უზრუნველყოფს თემის წევრებისთვის სოციალური მუშაკის მომსახურებასა და პროფესიული გადამზადების კურსებს. ბენეფიციარებისთვის სერვისების მიწოდების პარალელურად, ორგანიზაცია უზრუნველყოფს ცნობიერების დონის ამაღლებისკენ მიმართულ საქმიანობას, ქმნის და ავითარებს ონლაინ პლატფორმას სექსუალობისა და გენდერული საკითხების გარშემო. პროექტი ასევე ითვალისწინებს დამოუკიდებელი საინიციატივო ჯგუფების გაძლიერებას და მათ ფინანსურ მხარდაჭერას.

  

  

RFSU

პერიოდი:

01.01.2023-30.12.2023

გრანტი: 294 741   ლარი

მიმდინარე

 

„თანასწორობის მოძრაობა“ ძლიერი ლგბტქ სამოქალაქო და პოლიტიკური საზოგადოებისთვის

პროექტის მიზნად ისახავს ლგბტქი აქტივიზმის გაძლიერებას, ლგბტქ სამოქალაქო და პოლიტიკური საზოგადოების კონსოლიდაციას, ლგბტქ თემის წევრების ინფორმირებულობის გაზრდას საკუთარი უფლებების შესახებ და ხელოვნების დახმარებით თემის ხილვადობის გაზრდას.

  

  

ღია საზოგადოების ფონდი

პერიოდი:

01.10.2021-31.12.2023

გრანტი:

70 000 $

დასრულებული

 

აივ პრე-ექსპოზიციური პროფილაქტიკის (პრეპ) მომსახურება აივ ინფექცია/შიდსის მაღალი რისკის პოპულაციებში

 

პროგრამის მიზანია პრე-ექსპოზიციური პროფილაქტიკის (PrEP) სამედიცინო
მომსახურებასთან კავშირის უზრუნველყოფა და სოციალური მომსახურების მიწოდება აივ
ინფექციის პრევენციის მიზნით მამაკაცებისთვის, რომლებსაც სქესობრივი კავშირი აქვთ
მამაკაცებთან (მსმ), ტრანსგენდერი ქალებისთვის, მათ პატრნიორებისთვისა და კომერციული
სექსმუშაკი ქალებისთვის. 

  

  

The Global Fund

პერიოდი:

01.01.2017-30.12.2024

2024 წლის დაფინანსება: 268`960.00 ლარი

მიმდინარე

 

აივ ინფექცია/შიდსის  პრევენცია და შემთხვევების გამოვლენა ტრანსგენდერ პირებში

 

„აივ ინფექცია/შიდსის პრევენცია და შემთხვევების გამოვლენა ტრანსგენდერ პირებში“ მიზნად ისახავს აივ ინფექცია/შიდსის პრევენციის მიზნით ტრანსგენდერი თემის მობილიზებას საქართველოს ორ რეგიონში (ქ. თბილისი, ქ. ბათუმი). პროექტს განახორციელებს ორგანიზაციების კოალიცია შემდეგი შემადგენლობით: “თანასწორობის მოძრაობა”, “თემიდა”

  პროექტი მიმართულია აივ-ით ინფიცირების მომატებული რისკის მქონე სუბ-პოპულაციაში
(ტრანსგენდერ პირებში) პრევენციული მესიჯების გავრცელებაზე, პრევენციული საშუალებებით,
როგორიც არის კონდომი და ლუბრიკანტი, მათ უზრუნველყოფასა და აივ-სა და სქესობრივი გზით
გადამდებ სხვა დაავადებებზე, როგორიც არის სიფილისი და ვირუსული ჰეპატიტები (B და C) მათ
ნებაყოფლობით კონსულტირებასა და ტესტირებაზე.

  

  

The Global Fund

პერიოდი:

01.01.2023-30.12.2024

2024 წლის ბიუჯეტი:

55`505.00

ლარი

მიმდინარე

 

აივ ინფექცია/შიდსის პრევენცია და შემთხვევების გამოვლენა ლგბტ თემში

პროექტის სამიზნე პოპულაციას წარმოადგენენ მსმ (მამაკაცები, რომელთაც სქესობრივი კონტაქტი აქვთ სხვა მამაკაცებთან) პირები, ტრანსგენდერი ქალები და ფსიქოაქტიური ნივთიერებების მომხმარებელი ახალგაზრდა მსმ (გეი და ბისექსუალი) პირები, აგრეთვე აივ დადებითი მსმ პირები და აივ დადებითი ტრანსგენდერი ქალები.

   აივ/შიდსის პრევენცია გულისხმობს სარისკო ქცევის (დაუცველი სქესობრივი კონტაქტი და სხვ.) ცვლილებაზე მიმართულ ინტერვენციას, რის ფარგლებშიც ჩვენს ბენეფიციარებს ვაწვდით კონდომებს, ლუბრიკანტებს და საინფორმაციო მასალებს და ანონიმურად და უფასოდ ვთავაზობთ სწრაფ, მარტივ ტესტირებას აივ/შიდსზე და სქესობრივი გზით გადამდებ სხვა ინფექციებზე, როგორიც არის სიფილისი (ათაშანგი) და ვირუსული ჰეპატიტები (B და C). აივ/შიდსზე ტესტირების ფარგლებში გვაქვს თვით-ტესტირების კომპონენტიც, აივ-ის თვით-ტესტს ბენეფიციარებს ვაწვდით, როგორც რესურს-ცენტრის ბაზაზე და ველზე, აგრეთვე ონლაინ პლატფორმა selftest.ge-ზე რეგისტრაციისა და გამოწერის შემდგომ ვაწვდით უფასო საკურიერო მომსახურების მეშვეობით პრევენციული საშუალებების ნაკრებთან ერთად.

   აივ/შიდსის პრევენციის ფარგლებში ვახორციელებთ აივ დადებითი პირების მობილიზებას და მათი მკურნალობაზე დამყოლობის მონიტორინგს, იმისათვის, რომ შენარჩუნდეს მათი არაგანსაზღვრადი ვირუსული დატვირთვა და შევაჩეროთ ინფექციის გავრცელება (არაგანსაზღვრადი=არაგადამდებს).

   პროექტის ფარგლებში ბენეფიციარებს აქვთ საშუალება მიიღონ სოციალური მუშაკის იურისტის და სხვადასხვა დარგის ექიმი სპეციალისტის (თერაპევტი, ფსიქიატრი, ადიქტოლოგი (ნარკოლოგი)) კონსულტაცია, აგრეთვე ფსიქოკონსულტაცია და ფსიქოთერაპია.

   თემის მობილიზების ფარგლებში პერიოდულად იმართება სათემო შეხვედრები როგორც რესურს-ცენტრის ბაზაზე, ისე სხვა რელევანტურ სივრცეებში.

   პროექტი ხორციელდება საქართველოს 5 ქალაქში: თბილისში, ქუთაისში, ბათუმში, ზუგდიდსა და თელავში.

  

The Global Fund

პერიოდი:

01.09.2016-30.12.2023

2024 წლის დაფინანსება: 472`470.00 ლარი

მიმდინარე

 

აივ  თვითტესტირების პროექტი საკვანძო პოპულაციებში

“თანასწორობის მოძრაობამ” 2020 წელს პილოტურად შექმნა პლატფორმა Selftest.ge რის შედეგადაც, აივზე თვითტესტირებისა და აივ პრევენციული პაკეტების მიღების შესაძლებლობა მაღალი რისკის მქონე პოპულაციური ჯგუფებს (მამაკაცებები, რომელთაც სექსი აქვთ მამაკაცებთან, ტრანსგენდერი ადამიანები, ინექციური ნარკოტიკების მომხმარებლები და კომერციული სექს-მუშაკები) უკვე დისტანციურად, ცენტრში მისვლის გარეშე შეუძლიათ. ვებ-გვერდის მეშვეობით აივ ინფექციაზე ანონიმური, სწრაფი და უფასო ტესტირება საქართველოს 11 რეგიონშია შესაძლებელი.

 

პროექტის მიზანია აივ ინფექციის თვითტესტირებისა და პრევენციული პაკეტების მიღების შესაძლებლობის გაფართოება და სერვისის მიწოდების უზრუნველყოფა, საბოლოოდ კი აივ/შიდსის ეპიდემიის დასრულება. პლატფორმა შექმნილია “თანასწორობის მოძრაობის” მიერ. პროექტი ხორციელდება დაავადებათა კონტროლისა და საზოგადოებრივი ჯანმრთელობის ეროვნული ცენტრის (NCDC) „გლობალური ფონდის“ ეროვნული პროგრამის ფარგლებში.

The Global Fund

პერიოდი:

01.01.2022-30.12.2023

2024 წლის დაფინანსება: 169 000.00 ლარი

მიმდინარე

 

გაერთიანება სიძულვილით მოტივირებული დანაშაულების წინააღმდეგ: ლგბტქი თემის წინააღმდეგ ძალადობის დაძლევა აღმოსავლეთ ევროპასა და კავკასიაში

თანასწორობის მოძრაობა და სტოუნვოლი 2021 წლის ივნისიდან ერთობლივ პროექტს ახორციელებენ, რომელიც ლგბტქი თემის მიმართ სიძულვილით მოტივირებული დანაშაულების შესახებ ცნობიერების ამაღლებას, დანაშაულის პრევენციასა და სამართალდამცავ უწყებებთან თანამშრომლობის გაუმჯობესებას ემსახურება. სტოუნვოლის მხარდაჭერით პროექტი ხორციელდება საქართველოში, ბულგარეთსა და რუმინეთში.
პროექტის ფარგლებში თანასწორობის მოძრაობა რამდენიმე მიმართულებით მუშაობს: სიძულვილით მოტივირებული დანაშაულების შესახებ სამართალდამცავი უწყებების პროფესიული გადამზადების ხელშეწყობა; ლგბტქი თემსა და სხვა სოციალურ ჯგუფებში სიძულვილით მოტივირებული დანაშაულების სპეფიციკის, მხარდამჭერი სერვისებისა და რეაგირების შესახებ ცნობიერების ამაღლება; სიძულვილით მოტივირებული დანაშაულების წინააღმდეგ ბრძოლისთვის პარტნიორთა ქსელის გაფართოება.

Stonewall

პერიოდი:

2021-2024

გრანტი: 150,400 USD

მიმდინარე

 

 

 

 

ლგბტქი თემის მხარდაჭერა კოვიდ-19-ის პირობებში

 პროექტი მიზნად ისახავს კოვიდ-19-ით დაზარალებული ლგბტქი თემის წევრების საარსებო საჭიროებების დაკმაყოფილებას 2020 წლის ნოემბრიდან 2021 წლის ნოემბრამდე. ინიციატივა შეეხება თბილისში, ქუთაისში ზუგდიდსა და ბათუმში მცხოვრებ თემის წევრებს. კოვიდ-19-ის გამო დაწესებულმა შეზღუდვებმა თემის მრავალი წევრი დატოვა შემოსავლის გარეშე. სწრაფი რეაგირების მექანიზმი მიზნად ისახავს გამონახოს რესურსები ლგბტქი თემის წევრებისთვის საკვების, ჰიგიენის საშუალებების, ჯანდაცვის მომსახურებისა და ბინის ქირის ასანაზღაურებლად. პროექტი ასევე მიზნად ისახავს, რომ გაზარდოს “თანასწორობის მოძრაობის” სოციალური მუშაკისა და ფსიქოლოგის სერვისების შესაძლებლობები, რომ მეტ ბენეფიციარს გაუწიოს მომსახურება.

ევროკომისია 

პერიოდი: 1.30.2020- 1.30.2021

გრანტი: 60 000 €

დასრულებული

 

 

 

 

ტრანსგენდერ ქალთა სამედიცინო მოვლის გამუჯობესება

პროექტის ფარგლებში მოვიძიეთ სხვადასხვა სპეციალიზაციის ლგბტქი მეგობრული ექიმები, რომლებთანაც ჩვენს ბენეფიციარებს ვამისამართებთ. პროექტის ფარგლებში ასევე გამოიცა გაიდლაინი ტრანს ადამიანების ჰორმონალური თერაპიისთვის, რომელიც საილუსტრაციოა და ექიმებისთვისაა განკუთვნილი. (პუბლიკაციის ლინკი). პუბლიკაცია ენდოკრინოლოგებს დაურიგდათ.

 

ქალთა ფონდი საქართველოში

პერიოდი: 01.05.2016 – 31.12.2016

გრანტი: 3000 ევრო

დასრულებული

 

 

 

 

ლგბტ ადამიანების მშობლები თანასწორობისთვის

პროექტის ფარგლებში ჩატარდა რამდენიმე შეხვედრა ლგბტქი ადამიანების მშობლებთან. შეხვედრის მიზანი იყო მშობლების მხარდამჭერი ჯგუფის ჩამოყალიბება და გაძლიერება. მშობლების ჯგუფთან პოლონეთიდან ფასილიტატორი ჩამოვიდა, რომელსაც მსგავს ჯგუფებთან მუშაობის დიდი გამოცდილება აქვს.

 

ILGA-Europe და COC Netherlands 

პერიოდი: 01.03.2016 -31.05.2016 

გრანტი: 4,539 ევრო

დასრულებული

 

 

 

 

ტრანსგენდერ ქალთა გაძლიერების ხელშეწყობა

პროექტი მიზნად ისახავდა ტრანსგენდერ ქალთა აქტივიზმში ჩართულობის ხელშეწყობას და მათ გაძლიერებას ტრენინგების ჩატარების გზით. პროექტის პირველ ეტაპზე ბენეფიციარებს ჩაუტარდათ ტრენინგები ხოლო, შემდგომ კი მათ თავად ჩაატარეს შეხვედრები, რომლებსაც ლგბტქი თემის დანარჩენი თემის წევრები დაესწრნენ. ასევე 10 ნოემბერს აღინიშნა ტრანსგენდერ ადამიანთა ხსოვნის დღე.

„ქალთა ფონდი საქართველოში“ 

პერიოდი: პერიოდი: 01.11.2015 –31.03.2016

გრანტი:  2500 ევრო

დასრულებული

 

 

 

 

ჟურნალი „ეგალიტე“

„ეგალიტე“ „თანასწორობის მოძრაობის“ მიერ გამოცემული ჟურნალია, რომელიც მიზნად ისახავს ქვიარ და ფემინისტური საკითხების შესახებ ცნობიერების ამაღლებას. ჟურნალის პირველი ნომერი, 2019 წელს გამოიცა და ქვიარ ახალგაზრდების გამოწვევებს, საჭიროებებსა და გამოსავლების ძიებას დაეთმო. 2022 წელს ორგანიზაციამ, ჰაინრიჰ ბიოლის ფონდის მხარდაჭერით, ჟურნალის მეორე ნომერი გამოსცა, რომლის მთავარი თემაა „ქვიარ უტოპია“. ნომრის შექმნაზე 15 ავტორმა და 4 ფოტოგრაფმა იმუშავეს. ჟურნალში შესულია, როგორც აკადემიური და ანალიტიკური სტატიები, ასევე, უფრო არაფორმალური ხასიათის ლიტერატურა, როგორიცაა ბლოგები, ჩანახატები, მოთხრობები და ა.შ. ეგალიტეს მეორე ნომერი, 1100 ეგზემპლარად გამოიცა და მისი 4 პრეზენტაცია ჩატარდა. პრეზენტაციებს ჯამში 90 ადამიანი დაესწრო.

ჰაინრიჰ ბიოლის ფონდის სამხრეთ კავკასიის რეგიონალური
ბიურო

პერიოდი: 1.01.2022 – 20.10.2022

გრანტი: 25 800 ლარი

დასრულებული

 

 

 

 

ორგანიზაციული უსაფრთხოების გაძლიერება

 პროექტი მიზნად ისახავს “თანასწორობის მოძრაობის” უსაფრთხოების გაძლიერებას შემდეგი მიმართულებებით: ოფისის უსაფრთხოება, საველე უსაფრთხოება, მაღალი რისკის ლოკაციაზე მუშაობა, ოფისის ფიზიკური უსაფრთხოება, უსაფრთხოების ინციდენტები,  თანამშრომლების აყვანა და წასვლა ორგანიზაციიდან, საგანგებო კონტაქტები, საოფისე სივრცის აუდიტი, კიბერუსაფრთხოების ინციდენტები

Civil Rights Defenders

პერიოდი: 28.02.2022 – 10.12.2022

გრანტი: 43 284 ლარი

დასრულებული

 

 

 

 

სიძულვილის ენის დაძლევა უნივერსიტეტებში

პროექტის ფარგლებში ჩატარდა 3 საჯარო ლექცია/დისკუსია სიძულვილის ენის თაობაზე საქართველოს სამ უნივერსიტეტში. ასევე ორგანიზაციამ ჩაატარა ესეების კონკურსი სტუდენტებისთვის, რომელშიც 5-მა სტუდენტმა გაიმარჯვა და გადაეცათ სპეციალური პრიზები. პროექტის ბოლო ეტაპზე ორგანიზაციის წარმომადგენლები შეხვდებიან უნივერსიტეტების ადმინისტრაციას და განიხილავენ სიძულვილის ენის პრობლემურობას საგანმანათლებლო სისტემაში და მისი დაძლევის შესაძლო გზებს.

NESEHNUTÍ – Independent Social Ecological Movement

პერიოდი: 01.07.2016 – 31.12.2017

გრანტი: 2,500 ევრო

დასრულებული

 

 

 

 

ლგბტქი+ თემის გაძლიერება ინკლუზიური აღდგენისთვის

პროექტის ფარგლებში, ,,თანასწორობის მოძრაობამ“ განახორციელა ,,ლგბტქი თემის სოციალური და ეკონომიკური საჭიროებების კვლევა საქართველოში“. ანგარიშის ფარგლებში, მომზადდა სამაგიდე კვლევა, რომელიც მოიცავს, როგორც ადამიანის უფლებათა დაცვის საერთაშორისო და
რეგიონული ორგანიზაციების მიერ შექმნილი სტანდარტების მიმოხილვას, ასევე ეროვნული კანონმდებლობისა და პოლიტიკის ანალიზს ლგბტქი ადამიანების უფლებრივ
მდგომარეობაზე გავლენის კუთხით. ანგარიშში ასევე წარმოდგენილია თვისებრივი კვლევის შედეგები, რომელზეც ორგანიზაციამ იმუშავა CRRC საქართველოსთან კოლაბორაციით. თვისებრივი კვლევა ყურადღებას ამახვილებს ლგბტქი თემის სოციალურ-ეკონომიკურ საჭიროებებსა და
სოციალური ექსკლუზიის გამომწვევ ფაქტორებზე. კვლევაში განხილულია შემდეგი საკითხები: ლგბტქი თემის გამოწვევები საგანმანათლებლო დაწესებულებებსა და შრომით ბაზარზე,
ჯანდაცვის ხელმისაწვდომობა და ბარიერების ჯანდაცვის სერვისების მიღებისას, სოციალურ სერვისებზე ხელმისაწვდომობა, ოჯახთან ურთიერთობა და საცხოვრისის (თავშესაფრის) საკითხები. კვლევის ფარგლებში განხორციელდა 10 ფოკუს-ჯგუფი და 8 სიღრმისეული ინტერვიუ.
კვლევის ფარგლებში შემუშავდა რელევანტური რეკომენდაციები შესაბამისი სახელმწიფო უწყებებისთვის, რათა  ხელი შეეწყოს ლგბტქი ჯგუფის სოციალურ-ეკონომიკური მოწყვლადობის პრობლემატიკის შესახებ ცნობიერების ამაღლებასა და სამთავრობო უწყებების მხრიდან შესაბამისი
პოლიტიკის მექანიზმების დანერგვასა და იმპლემენტაციას. კვლევის ანგარიშის ავტორია ლიკა ჯალაღანია. კვლევის ანგარიში ხელმისაწვდომია თანასწორობის მოძრაობის ელექტრონულ პლატფორმებზე, ქართულ და ინგლისურ ენებზე.

National Democratic Institute (NDI)

გრანტი: 171 260 ლარი

დასრულებული

 

 

 

 

ახალი შესაძლებლობები ლგბტქი დღისწესრიგისთვის
საქართველოში

ლგბტქი საკითხების მედია დაფარვის გაუმჯობესება 2022 წელს აღნიშნული პროექტის ფარგლებში „თანასწორობის მოძრაობამ“ მოამზადა კვლევა, რომლის შედეგებზე დაფუძნებითაც შეიმუშავა ლგბტქი საკითხების გაშუქების შესახებ ტრენინგ-მოდული. მოდულის გამოყენებით ორგანიზაციამ გასვლითი ტრენინგი ჩაატარა ტელევიზიების ჟურნალისტებისთვის. ამასთან, ორგანიზაციამ დააფინანსა ორი აკადემიური კურსი ჟურნალისტიკის ფაკულტეტის სტუდენტებისთვის კავკასიის მედია სკოლასა და საქართველოს საზოგადოებრივ საქმეთა ინსტიტუტში (GIPA). დაფინანსებული კურსების ფარგლებში შერჩეულ სტუდენტებზე გაიცა ერთჯერადი სტიპენდიები და მათი კვლევები წარდგენილი იყო „თანასწორობის მოძრაობის“ მიერ ორგანიზებულ სტუდენტურ კონფერენციაზე. „თანასწორობის მოძრაობამ“ შექმნა და საკუთარ სოციალურ ქსელებში განათავსა ორი გრაფიკული ვიდეო ლგბტქი ადამიანების მედია გაშუქებასთან დაკავშირებით. ლგბტქი-მეგობრული ჯანდაცვის ხელშეწყობა „თანასწორობის მოძრაობის“ დაკვეთით შეიქმნა კვლევა პირველადი ჯანდაცვის რგოლის ექიმების დამოკიდებულებებზე ლგბტქი ადამიანების მიმართ. კვლევაზე დაფუძნებით შეიქმნა ტრენინგ მოდული, რომლის მიხედვითაც გასვლითი შეხვედრის ფარგლებში მოხდა ექიმების გადამზადება. შეიქმნა ორი ვიდეო რგოლი ტრანს-ჯანდაცვის საჭიროებებზე და განთავსდა ორგანიზაციის სოციალურ ქსელებში. კონფერენცია: „ლგბტქი უფლებები ეროვნულ და რეგიონულ კონტექსტში“ აღნიშნული აქტივობის ფარგლებში ორგანიზაციამ ჩაატარა მასშტაბური კონფერენცია, რომელიც ოთხი პანელისგან შედგებოდა. კონფერენცის მომხსენებლები იყვნენ, როგორც დიპლომატიური კორპუსის წარმომადგენლები, ასევე ადგილობრივი და რეგიონული ორგანიზაციების 17 წარმომადგენლები. ამავე კონფერენციის ფარგლებში, ერთ პანელი დაეთმო უკრაინელი, რუსი და ბელორუსი აქტივისტების მოხსენებებს, რომლებმაც ილაპარაკეს ლგბტქი უფლებების შესახებ ომის კონტექსტში.

 

ნიდერლანდების სამეფოს საელჩო საქართველოში

პერიოდი: 01.06.2021 – 31.07.2022

გრანტი: 256 000 ლარი

დასრულებული

 

 

ხელოვნება გაძლიერებისთვის

პროექტი მიზნად ისახავს, გააძლიეროს ლგბტქი (მხარდამჭერი) ხელოვანები, რეჟისორები, შემოქმედებითად მოწოდებული ადამიანები, რათა ხელი შეუწყოს ლგბტქი თემის გაძლიერებას ხილვადობის ამაღლების გზით, განსაკუთრებით კოვიდ-19-ის პირობებში. Შემოქმედებითი სოციალური რეკლამების დასაფინანსებლად გათვალისწინებულია 4 სტიპენდია.

შვეიცარიის საელჩო საქართველოში

პერიოდი: 15.05.2020 – 14.05.2021

გრანტი: 4 617.27 CHF

                                     დასრულებული

 

თანასწორობის მოძრაობა ძლიერი ლგბტქ თემისთვის

პროექტის მიზანს წარმოადგენს, საქართველოში ლგბტიქ თემის გაძლიერებაზე ზრუნვა და ადვოკატირების სფეროში, ,,თანასწორობის მოძრაობის“ მხარდაჭერა. პროექტის ფარგლებში, საადვოკაციო მიმართულებით, ,,თანასწორობის მოძრაობა“ იმუშავებს განათლების პოლიტიკის სენსიტიზაციასა და სასკოლო ბულინგის პრევენციაზე. ამასთან, პროექტი ითვალისწინებს, ანტიდისკრიმინაციული კანონმდებლობის მონიტორინგსა და სიძულვილით მოტივირებული დანაშაულების სტრატეგიული სამართალწარმოებას. ლგბტიქ თემის გაძლიერების მიმართულებით, ორგანიზაცია განახორციელებს ონლაინ კამპანიებსა და საგანმანათლებლო აქტივობებს

ღია საზოგადოების ფონდი (Open Society Foundation)

პერიოდი: 01.01.2022-10.12.2022

გრანტი: 213 500 ლარი

                                     დასრულებული

უფლება ჯანმრთელობისთვის

პროექტის ფარგლებში ორგანიზაცია მუშაობს აივ/შიდსის ეპიდემიის ეროვნული პასუხის ფორმირებაში მსმ/ტრანს* ადამიანების მონაწილეობის ზრდის ხელშეწყობაზე. კერძოდ, ორგანიზაცია მუშაობს მსმ/ტრანს* ადამიანებისთვის განკუთვნილი აივ/შიდსის სერვისებისთვის ხელშემწყობი გარემოს გაძლიერებაზე, სტიგმასა და დისკრიმინაციასთან ბრძოლის, ადამიანის უფლებების დაცვის, წახალისებისა და სამართლებრივი და პოლიტიკური ბარიერების დაძლევის გზით. პროექტის ფარგლებში ასევე გათვალისწინებულია “თანასწორობის მოძრაობის” შესაძლებლობების გაძლიერება.

ევრაზიული კავშირი კაცების ჯანმრთელობისთვის (Eurasian Coalition for Male Health)

დასრულებული

პერიოდი: 01.02.2017 – 31.12.2019 

ბიუჯეტი:49 219,00 ევრო

 

ლგბტქი ადამიანების შრომითი უფლებების ადვოკატირება

 პროექტი მიზნად ისახავს სხვადასხვა მეთოდების გამოყენებით ლგბტქი ადამიანების შრომითი დისკრიმინაციის და დასაქმებაზე ხელმისაწვდომობის ბარიერების გამოვლენას. 
პროექტის ფარგლებში, “თანასწორობის მოძრაობა” უზრუნველყოფს შრომითი უფლებების შესახებ ცნობიერების ამაღლებას

1კანონის უზენაესობის მხარდაჭერა საქართველოში – EWMI-PROLoG/USAID

დასრულებული

პერიოდი: 15 თებერვალი, 2021 – 31 ივლისი, 2021

 

თემის ხმა სტიგმის წინააღმდეგ

პროექტის ფარგლებში განხორციელდება მედია კამპანია, რომელიც მიმართული იქნება საზოგადოებაში ლგბტქი ადამიანების მიმართ არსებული სტერეოტიპებისა და სტიგმის დაძლევისკენ. კამპანიის შინაარსის განსაზღვრისთვის “თანასწორობის მოძრაობა” შეხვდება 200-მდე ლგბტქი თემის წევრსა და აქტივისტს ფოკუს-ჯგუფების ფორმატში. ორანიზაცია ფოკუს-ჯგუფებს ჩაატარებს სხვადასხვა პროფესიის წარმომდგენლის მონაწილეობითაც, მათ შორის ჟურნალისტების, ექიმების, პოლიციელების, მოსამართლეებისა და მასწავლებლების.

ILGA-Europe

დასრულებული

პერიოდი:01.11.17-30.09.18

 ბიუჯეტი: 34,944 ევრო

 

ლგბტ ადამიანებისთვის სამართლიანობისადმი ხელმისაწვდმობის გაზრდა

პროექტის ფარგლებში ჩვენ ლგბტქი თემის წევრებს ვაწვდით: უფასო იურიდიულ, სოციალური მუშაკისა და ფსიქოლოგიურ სერვისებს. აღნიშნული სერვისების შესახებ დამატებითი ინფორმაცია შეგიძლიათ მიიღოთ შესაბამის ბმულებზე (აქ დაილინკოს შესაბამისი სერვისების ლინკები). თანასწორობის მოძრაობა ფოკუსირებულია სიძულვილით მოტივირებულ დანაშაულების, ოჯახში ძალადობის და დისკრიმინაციის შემთხვევებზე, რომელიცპროექტის ფარგლებში ჩვენ ლგბტქი თემის წევრებს ვაწვდით: უფასო იურიდიულ, სოციალური მუშაკისა და ფსიქოლოგიურ სერვისებს.  თანასწორობის მოძრაობა ფოკუსირებულია სიძულვილით მოტივირებულ დანაშაულების, ოჯახში ძალადობის და დისკრიმინაციის შემთხვევებზე, რომელიც დღესდღეობით ლგბტ თემისთის მთავარ გამოწვევად რჩება. პროექტის ასევე ითვალისწინებს სტრატეგიული საქმეების წარმოებას. ერთ-ერთი სტრატეგიული საქმეზე, რომელიც მსმ პოპულაციისთვის სისიხლის დონორობის უფლებას ეხებოდა, ჩვენ საქართველოს საკონსტიტუციო სასამართლოს მივმართეთ და იგი წარმატებით დასრულდა.

ნიდერლანდების სამეფოს საელჩო საქართველოში ბიუჯეტი

დასრულებ ული

პერიოდი: 07.11.2016 – 07.12.2017 

ბიუჯეტი: 46 724,06 ევრო